Close Window

DuCange, Glossarium mediae et infimae latinitatis (1883-7): CONTRA

CONTRA, pro Circa, Versus. Leges Edw. Confess. cap. 39: Consueverant animalia in foro mercari sine plegio ad occisiones Contra Natale Domini faciendas. Monasticum Anglic. tom. 1. pag. 149: Ad formictas vero in Adventu Domini debent habere 14. summas Contra Natale Domini, Contra Quadragesimam tantundem, Contra Pascha totidem, etc.

Reg. S. Justi Cam. Comput. Paris. fol. 127. v°. col. 1: Recognitum fuit quod debent (monachi de Lira) habere per liberationem duos fagos Contra Natale, ad faciendum alveos, et unam tiliam Contra Pascha floridum, ad faciendum gatas ad mandatum cenae. Contre, eodem significatu, in Lit. remiss. ann. 1383. ex Reg. 122. Chartoph. reg. ch. 344: A icellui geu (de dez) geue l'en communalment Contre le Noel en tost pays.