Close Window

DuCange, Glossarium mediae et infimae latinitatis (1883-7): FABRICA

FABRICA, Fabricae, pro operibus publicis, leg. 13. Cod. Th. de Praetorib. (6, 4.) leg. 14. 30. de Oper. publ. (15, 1.) etc. Fabricatio publica, opus publicum, leg. 2. de Sepulcr. (9, 17.) viol. Vide leg. 37. de Decurion. (12, 1.) eod. Cod. Proprie vero Fabricae dictae, in quibus arma fabricabantur. Ammian. lib. 14: Tribunos Fabricarum insimulassent, promittens arma.

Occurrit, eadem notione, in Correct. stat. Cadubr. cap. 116: Sancimus quod quotienscumque contigerit effici aliquod opus pro communi,... massarius communis.... teneat in quaterno computum.... hominum centenarii, qui laborarent sive operas darent ad Fabricam vel opus illud quod fieret. Pro exstructione vel refectione murorum urbis seu castri accipi videtur in Charta ann. 1319. ex Reg. 59. Chartoph. reg. ch. 318: Item pro Fabrica dictae villae, duo modia frumenti. Nisi eodem sensu intelligas, quo infra Fabrica 4. adeo ut civilibus perinde atque ecclesiasticis bonis attributa fuerit haec vox.