Close Window

DuCange, Glossarium mediae et infimae latinitatis (1883-7): VINUM

VINUM, nude pro eo quod praeter pretium corollarii vice in emtionibus conceditur; Vin du marché passim in Consuetud. municipal. Tabul. S. Vandreges.: Vendidi... unam petiam terrae... pro lxxv. solidis Turon. et v. solidis in Vino.... tenendam, etc. Droit de Vins et ventes, in Consuetud. Silvanect. art. 215. Claromont. art. 13. Aurelian. art. 107. est id quod domino exsolvitur ab emtore praedii censualis.

Vinum etiam ab iis qui inter cives adscribebantur Majori et Scabinis civitatis praestari solitum erat. Id ex pluribus Communiarum Chartis discimus, ac praesertim ex Litteris ann. 1248. inter Ordinat. Reg. Franc. tom. 5. pag. 601. art. 21: Sy vero aliqui alieni in dicta libertate apud Clarimontem morare (sic) venerint, bene licebit villico et scabinis eos retinere, tali modo quod in introitu, cinq solz Pruivinenses persolvent villico pro nobis, et sextarium vini pro ipso et scabinis; et eciam omnes alios redditus secundum processum temporis, sicut alii liberi.

Vinum, Certa vini mensura. Charta ann. 1188. inter Instr. tom. 12. Gall. Christ. col. 276: In Apparitione habet sacerdos in parochiali missa octo denarios et octo panes et octo Vina.

Vinum-Acetum, Acetum Gall. Vinaigre. Leg. Palat. Jacobi II. Reg. Majoric. inter Acta SS. tom. 3. Jun. pag. xxi: In dicto reservatorio rerum infra scriptarum copia inveniatur videlicet,..... caseorum, piscium salsorum, Vini-aceti, etc.

Vinum Adviamum fit per admixtionem aquae cum vino novo, et simul coquitur. Glossar. medic. Simon. Januens. ex Cod. reg. 6959. Leg. forte Adynamum, infirmi saporis, idem quod Vinum expensabile.

Vinum Agasatum, Eadem notione. Inventar. ann. 1476. ex Tabul. Flamar.: Item plus tres pipas ex Vino agasato sive poculo plenas. Ibidem: Item unam pipam ex poculo sive Vino agasato plenam. Aigrevin, in Charta ann. 1391. ex Chartul. 23. Corb.: Une queue de Aigrevin, etc.

Vinum Amineum, in vet. Glossar. ex Cod. reg. 7613.

Vinum Aquaticum, Aqua mixtum, in Mirac. B. Margar. Favent. tom. 5. Aug. pag. 853. col. 1.

Vinum Bastardum, Idem videtur quod mixtum. Charta ann. 1320. in Reg. 60. Chartoph. reg. ch. 30: Quater centum libras Turonenses et quatuor pipas Vini bastardi. Vin bastard, in Ordinat. ann. 1415. ex Reg. 170. ch. 1. Vide supra in Bastardus.

Vinum Betatum. Charta Henrici dom. de Soliaco ann. 1031: Vinum fecidum vel Betatum non poterit vendere. Legendum videtur Botatum, quod vas vinarium redolet, Qui sent le fust. Vide in Butta 3.

Stat. ann. 1411. in Reg. 166. Chartoph. reg. ch. 201: Item que aucun dudit mestier (de Buffetier) ne mette en besongne lye puante, ne Vin bouté ou puant.

Vinum de Bocha, Gall. Vin de la bouche, Quod mensae Principis apponi solet. Ordinat. Humberti II. tom. 2. Hist. Dalph. pag. 314. col. 1: Habeantur tria genera vinorum, Vinum videlicet de bocha pro persona nostra. Vide Bocha.

Vinum Buffeti. Stat. tabernar. in Lib. rub. fol. magno domus publ. Abbavil. art. 9: Que nulz buffetiers soit si hardis qu'il vende Vin de buffet à taverniers aulcuns.

Vinum Bullitum cum ruta, apud Limborch. Inquisit. Tolos. Hist. pag. 3: Vidit praedictos tres haereticos simul et portavit pro altero illorum Vinum album bullitum cum ruta.

Vinum Carenum, in vet. Glossar. ex Cod. reg. 7613. Vinum decoctum. Vide Carenum.

Vinum Cipricum, Clarificatum, apud Duchesn. Hist. Comit. Guisnens. inter Probat. pag. 119.

Vinum Claretum, quod est turbativum cito capitis, in Menoti Serm. pag. 156. v°. Gall. Vin clairet, rubellum. Ita etiam nuncupatum aliquando vinum conditum, ut in Continuat. Chron. Joh. Iperii apud Marten. tom. 6. Ampliss. Collect. col. 620: Conventus quatuor pota Vini confecti, quod Clare weant, a custode ecclesiae de gratia accipit. Hisp. Clarea, Germ. Claret. Vide Vinum Expensabile.

Vinum Clerici, Vin du Clerc, in Edicto Caroli VIII. ann. 1493. art. 107. Quod a litigantibus tabularii forensis Clericis ultro conceditur.

Vinum Coctum. Capitulare de Villis cap. 34: Vinum acetum, moratum, Vinum coctum, garum, sinapi, etc. Adde cap. 62. Joh. Demussis in Chron. Placent. apud Murator. tom. 16. col. 582: Et post praedicta dant pisces lucios assatos cum salsa de aceto vel sinapi cum Vino cocto et speciebus. Gall. Vin cuit, ut vinum arvisium, Malvoisie.

Vinum Collatum, pro Colatum, Defecatum, purum. Testam. Guill. milit. de castro Barco tom. 3. Cod. Ital. diplom. col. 1941: Item relinquo ecclesiae S. Columbani..... unum vineale,.... pro quo solvit mihi annuatim tres uvas (f. urnas) Vini collati. Vide Collatum 1.

Vinum Comitis, Idem quod Vinagium 2. Vide in hac voce. Charta ann. 1278. in Chartul. Latiniac.: Promittimus bona fide reddere et solvere.... octo solidos Turonenses.... tam pro censu quam Vinagio, quod dicitur Vinum Comitis. Alia ann. circ. 1513. ibid.: Hoc etiam statutum est quod ille qui collegerit per villam nummos quos debent burgenses de Vino Comitis, etc. Le revenu du Vin le Conte vault par an environ huyt livres Tournois, in Charta ann. 1516. ibid. fol. 244. v°.

Vinum Confectum. Vide Vinum claretum.

Vinum Conventus vocati Bibende, facti in vindemia, in Libert. villae de Romanis ann. 1348. tom. 3. Ordinat. reg. Franc. pag. 275. art. 10. Dalphinatibus Couvin, idem quod Vinum expensabile. Vide supra Bibende.

Vinum Creticum fit ex vinis in vite passatis, postea expressis, et est dulce, et vocatur triptos et protopas. Glossar. medic. Simon. Januens. ex Cod. reg. 6959.

Vinum Crisum est coloris aurei, in eodem Glossar.

Vinum Cubitus, Vin de couchier, in Ordinat. hosp. reg. ann. 1317. ex Reg. Cam. Comput. Paris. sign. Croix fol. 75. r°. Vide mox in Vinum maritagii.

Vinum Decani, Quod decano a canonicis recens institutis debetur. Obituar. Rotomag. MS: Sequuntur jura, quae canonici tenentur solvere in eorum adventu.... Pro vino decani duos gallonos vini, vel decem solidos.

Vinum Decreti, in Statutis Vercell. Locus est in Malvaxia.

Vinum Ducillatum, Vinum dolio promendum. Gemma Gemmarum: Ducillus ein zapf. Ducillare, zepffen. Testament. ann. 1361. apud Guden. Cod. Dipl. tom. 2. pag. 348: Sex carratas vini in vino Francico et Hunnico in 13. vasis majoribus et minoribus; vino pro ipsa familia Ducillato, quod in vulgari dicitur gezepht, et vino ipsis pauperibus deputato, duntaxat excepto.

Vinum Ebliffagum cum salvia. Glossar. medic. Simon. Januens. ex Cod. reg. 6959.

Vinum Enantinum, Quod fit per admixtionem enantia floris labruscae, in eod. Glossar.

Vinum de Expensa, Aqua mixtum in usus domesticorum. Charta ann. 1257. in Chartul. Buxer. part. 8. ch. 20: Abbas et conventus Buxeriae asserebant, quod quaedam pecia vineae.... debebat ipsis quoddam modium vini puri..... Bonus Amicus Lambert e contrario dicebat, quod illud modium vini debebat esse mixtum aqua, videlicet de expensa. Vide Vinum expensabile.

Vinum Expensabile, Quotidiani potus in usus domesticorum, Vin de dépense, nostris vulgo Boite, vel Bouvande. Liber Niger Scaccarii pag. 341: Unum Sextarium de vino claro, et unum sextarium de Vino expensabili.

Vinum Francum. Vide Vinum Hunicum.

Vinum Frumentaticum, Quod ex praestatione seu censu debetur. Vide supra Frumentaticus.

Vinum Gazeum, in vet. Glossar. ex Cod. reg. 7613.

Vinum Hostis, Gall. Vin d'ost. Praestatio, quam tenentes ac vassalli domino exsolvebant in belli sumptus. Libert. Matiscon. ann. 1346. tom. 2. Ordinat. reg. Franc. pag. 349. art. 12: Tout homs qui..... tient feu et lieu (à Mascon) et veult paier Vin d'ost au roy,..... en paiant la valeur du demi sextier de vin, etc. Vide in Hostis 2.

Vinum Hunicum, Vinum vilius, cui opponitur Vinum francum, generosius. Notit. vet. apud Guden. Cod. Diplom. tom. 2. pag. 764: In festo S. Martini debetur ei unum quartale de cellario Archiepiscopi Vini Franci, et in Cena Domini tantundem de cellario Prepositi, in festo O. Sanctorum tantumdem; aliis vero temporibus anni, videlicet Nativitatis Dni, etc.... singula quartalia a preposito Hunnici vini habebit. Transactio Capitul. Mogunt. inter et Pinguens. ann. 1267. ibid. tom. 3. pag. 1134: Campanario ecclesiae Pinguensis, quod contra auram venientem compulset, de communi torculari nostro dimidiam amam Vini Franci et tantumdem Hunici dabimus in autumpno. Charta ann. 1310. ibid. pag. 59: Quod ipsos decanum et capitulum 40. carratis Vini Hunici censualis.... singulis annis census nomine ipsorum ecclesiae provenientes spoliarunt. Confer chart. ann. 1339. in Gunther. Cod. Diplom. Rheno-Mosell. tom. 3. pag. 407. Frentz-und Huntz-win, dicitur Germanice in alia charta apud eumdem Gunther. tom. 4. pag. 127. ann. 1408. Chart. Vendit. ann. 1314. apud Guden. Cod. Diplom. tom. 2. pag. 1010: Pro annua et perpetua pensione sex amarum vini Franci nostri crementi melioris, etc. Charta Richolfi Abbat. Ebersperg. ann. 1272. ibid. tom. 3. pag. 1145: Nos illo anno Pinguensi ecclesiae ad solucionem duorum vasorum Franci vini, vel 16. marcarum, quod eorum pocius elegerint poenae nomine teneamur. Alia vide apud Bodmann. Antiq. Rhingav. pag. 204. et 401. qui vinum Hunicum et Francum dictum vult Ungaricum et Gallicum. Lacombleto Archiv. Rheni infer. tom. 1. pag. 234. vinum Hunicum est quod Huni vel centenarii colligebant per centenas rusticas. Adde Scherz. Glossar. German. voce Huinsch, Plebeius, vilis, col. 712. et chartam ann. 1290. apud Bodmann. pag. 205. ubi Vinum nobile idem videtur, quod alibi vinum francum.

Vinum Jactatum, in vet. Glossar. ex Cod. reg. 7613. forte legendum Jaccatum. Vide Vinum Jaquesium.

Vinum Jaquesium, Vin de Jaca, in Instr. ann. 1527. ex Tabul. Archiep. Auxit.

Vinum Inacidum, pro Mucidum, ut emendat Cl. Editor in Charta Humberti Dalphini ann. 1348. inter Ordinat. Reg. Fr. tom. 3. pag. 283: Ita tamen quod dictum Capitulum vinum vendere debeat non corruptum, non acetosum nec Inacidum: nisi idem sit quod Subacidum.

Vinum Infertum, ibid. idem quod Vinum sacrificale. Vide Infertum.

Vinum Investiturae, Jus quod domino capitali pro missione in possessionem penditur. Charta Phil. V. ann. 1319. in Reg. 59. Chartoph. reg. ch. 279: Item tallias, census, coustumas, Vina investiturarum, etc. Vide in Investitura.

Vinum Italicum, i. forte. Ita Glossae MSS. ad Alexandrum Iatrosoph. Vide Caelium Aurelian. lib. 4. Chronicon cap. 3.

Vinum Latinum, in Necrolog. Diessensi apud Oefelium tom. 2. Script. rer. Boicar. pag. 678. col. 2: Dabuntur duo fercula ad consuetam praebendam, albus panis et potus Latini vini. An idem quod Italicum, id est, forte ? Vinum Italicum aut Tyroliense Westenriedero in Glossar. German. col. 316. voce Latini; Vinum Gallicum Bodmanno in Antiq. Rhingav. pag. 205.

Vinum Liberum. Stat. MSS. eccl. Tull. ann. 1497. fol. 54. r°: Praepositi pro suis stipendiis percipiunt in qualibet dimissione seu arrendatione villicaturarum ...... decem octo grossos, dictos Vina libera, pro tribus annis.

Vinum de Lieppe, d'Ozaie, recensentur inter vina extranea, in Ordinat. ann. 1415. ex Reg. 170. Chartoph. reg. ch. 1.

Vinum Lyae vel Trempa, Ex aqua cum amurca. Vide supra Trempa.

Vinum Lymphatum, Aqua mixtum, dilutum, in Constitut. Siculis lib. 3. Elmham. in Vita Henrici V. Reg. Angl. cap. 90. pag. 251: Edicit proclamacione publica, ut nullus Anglicus Vinum non limphatum potare praesumat.

Vinum Maritagii, Praestatio, quae ab artifice matrimonium contrahente ejusdem artificii sociis pensitatur. Stat. ann. 1404. tom. 9. Ordinat. reg. Franc. pag. 46. art. 6: Chascun maistre dudit mestier (de tanneur) sera tenu payer pour Vin de mariaige vingt solz Tournois. Vindonner etiam appellabant nostrates id, quod sponsus die nuptiarum sociis suis ad bibendum et comedendum ex usu praestare tenebatur. Lit. remiss. ann. 1357. in Reg. 87. Chartoph. reg. ch. 27: Guillelmus, Johannes ac ipsorum complices post coenam et recessum dictarum nuptiarum redeundo de quodam spatiamento, le Vin-donner Gallice nominato, in dictis partibus (Normanniae) fieri consueto, et quod spatiamentum supra maritum sumitur, etc. Aliae ann. 1378. in Reg. 113. ch. 229: Comme l'exposant et plusieurs autres furent alez en la paroisse de Hotot de S. Sulpiz au Vin-donner des nôces de Jehan le Francois pour eulx esbatre, etc. Occurrit praeterea in aliis ann. 1381. ex Reg. 120. ch. 210. Vin de Couchier dicitur, in Lit. remiss. ann. 1428. ex Reg. 174. ch. 222. Vide supra Cochetus 3. Bannum 5. et Nuptiaticum.

Vinum Medietarium, Quod inter dominum et colonum partitur. Charta ann. 1326. in Reg. 65. Chartoph. reg. ch. 278: Acquisiverunt tertiam partem unius assignatae Vini dicti de moitié. Vide Medietarius.

Vinum Mellicratum, in vet. Glossar. ex Cod. reg. 7613. Vide Mellicratum.

Vinum de Mercato, Gall. Vin du marché, Quod in emptionibus praeter rei venditae pretium, in potatione absumitur. Stat. Cadubr. lib. 2. cap. 18: Datis arris, vel bibito Vino de mercato, vel data spalmata, etc.

Vinum Momellum, in vet. Glossar. ex Cod. reg. 7613.

Vinum Mundum, Merum. Chron. Farf. apud Murator. tom. 2. part. 2. col. 473: Item pro solidis viii. in Carboniano ad censum reddendum Vini mundi decimatas quinque.

Vinum Muscidum, Mustale, Mustum. Vide supra Muscidus et Mustalis.

Vinum Myrtinum, in quo coquitur summitates myrti cum bacis suis. Glossar. vet. ex Cod. reg. 7613.

Vinum Navigabile, Quod per mare transvehi possit. Charta ann. 1147. apud Murator. tom. 2. Antiq. Ital. med. aevi col. 88: Per singulos annos duas amforas Vini navigabilis et unum pastum omni anno praestare debere.... praecipimus.

Vinum Nuptiarum, in oblationibus gratuitis, quae Curionibus flunt, recensetur in Charta Guillelmi Episcopi Ambian. ann. 1281. in Tabul. Episcopi Ambian. fol. 27. v.

Vinum Oximellum, in vet. Glossar. ex Cod. reg. 7613.

Vinum Palmeum, Quod cum dactilis. Glossar. medic. Simon. Januens. ex Cod. reg. 6959.

Vinum Partitum, Quod habet dulcorem admixtum, in eod. Glossar.

Vinum Passum, in vet. Glossar. ex Cod. reg. 7613.

Vinum Pede Pressum, Quod pede tantum calcatur, medium inter vinum sponte defluens, et illud quod torculari expressum est; unde vinum de pressoragio dicitur. Charta Ludovici Comit. Blesens. in Chartul. Castridun. fol. 12. v°: Duos modios Vini pede pressi in cellario meo Castriduni annuatim in vinidimiis capiendos (concedo.) Charta ann. 1217. ex Tabul. S. Petri Carnot.: Persolvent... justam decimam de vineis suis, unam medietatem de pede presso et alteram medietatem de pressoragio. Chartul. Campan. ann. 1190. fol. 525: Dedit 50 modios Vini de prima gutta pede pressa.

Vinum Pigmentatum, apud Duchesnium in Hist. Comit. Guisnens. inter Probat. pag. 119. Vide Pigmentum 1.

Vinum Piraceum, Vin Poirau, in Charta ann. 1391. ex Chartul. 23. Corb.: x. sols Paris. pour l'acquit de une queue de Vin poirau. Vide Piratium.

Vinum Pitimium, Quod resinam pitimiam habet. Glossar. medic. Simon. Januens. ex Cod. reg. 6959.

Vinum Ponticum. Chart. Sifrid. Archiep. Magunt. ann. 1074. apud Guden. Cod. Diplom. tom. 1. pag. 382: Omnes simul solverent nobis et successoribus nostris annuatim de mansis et jugeribus, uti praedictum est, sub nomine decimae, 40. carratas Vini Pontici. Bodmann. Antiq. Rhingav. pag. 398. vertit Lauterwein.

Vinum Praesentatarum, Quod alicui in urbem advenienti honoris causa praesentatur, vulgo Vin de présent. Comput. ann. 1431. ex Tabul. S. Vulfr. Abbavil. fol. 10. v°: Item viij. die Martii pro media parte quatuor quennarum Vini praesentatarum ambassiatoribus Universitatis Paris. qui ibant ad Concilium Basiliense, quolibet toto valoris ij. sol. sunt viij. sol.

Vinum Primae Aquae. Consuet. MSS. S. Crucis Burdeg. ante ann. 1305: Item hortolanus recipit a cellerario duas pipas Vini primae aquae de cubiis torcularis...... Item duo furnerii recipiunt cum lagena unam et dimidiam pipam primae aquae et unam dimidiam vini puri a dicto cellerario.

Vinum Promellum, in vet. Glossar. ex Cod. reg. 7613. An Pomellum, potio ex pomis extracta ? Vide Vinum piraceum.

Vinum Protropum, Caelio Aureliano lib. 2. Chron. cap. 7. est vinum sponte defluens, antequam uva calcetur; mustum.

Vinum de Pura Gutta, Eadem notione, Gall. De mere-goutte. Vide in Gutta 7.

Vinum Quadragesimae, Cujus usus in Quadragesima. Necrolog. Eccl. Paris. Id. Maii: Dedit nobis tria arpenta vinearum ad Vinum Quadragesimae. Vinum Quadragesimale, ibidem.

Vinum Regalium, Ex vineis, quae mortuo episcopo ad regem redeunt, collectum. Charta Phil. archiep. Bitur. ann. 1238. in Reg. 31. Chartoph. reg. ch. 1: Recepimus de Radulpho de Gandeluz baillivo Bituricensi centum et tres libras et duos solidos Paris. pro Vino de regalio Bituricensi et Exoldunensi. Chartae inscriptio: De pecunia reddita pro Vino regalium. Vide in Regalia 2.

Vinum Regis, Praestationis species ex vineis, quae primum regi solvebatur. Charta ann. 1298. in Chartul. S. Maglor. Paris. ch. 100: Item unum dolium vini annuatim de taxamento, quod habemus apud Arcolium, quod nuncupatur Vinum regis. Vide in, Tensare.

Vinum Rodomellum, in vet. Glossar. ex Cod. reg. 7613. Vide Rodomellum.

Vinum Rosaceum, Quod cum rosis fit. Glossar. medic. Simon. Januens. ex Cod. reg. 6959. Vide Rosatum.

Vinum Rosatum. Vide supra Rosatum.

Vinum Sacrificale, quod Missae sacrificio potissimum addictum est, in Metropoli Salisburgensi tom. 3. pag. 48: Praeterea Vinum sacrificale, quod custodes monasterii retroactis temporibus procuraverunt, de communi nostro cellario volumus recipi, etc. Germ. Opferwein.

Vinum Sancti Johannis, f. Ignitum, fervidum vel ex aliquo ejus nominis territorio collectum. Lit. remiss. ann. 1344. in Reg. 106. Chartoph. reg. ch. 326: Pour ce que icellui Bernes but Vin de Saint-Jehan ou menga oultrageusement,.... fievre le prist. Stat. tabernar. in Lib. rub. fol. magno domus publ. Abbavil. art. 4: Que nulz meche vin Franchois aveuc Vin de S. Jehan, etc.

Vinum Sancti Stephani. Charta Phil. V. ann. 1318. in Reg. Caroli Pulc. ex Cam. Comput. Paris. fol. 2. r°: Ut quinque novi Canonici per dictum dominum et genitorem nostrum et per nos in capella praedicta creati novissime et fundati, antiquis canonicis in perceptione omnium et singulorum ipsorum proventuum, reddituum, anniversariorum, acquestuum, in oblationibusque indulgentiarum et de Vino S. Stephani. Illud forte quod in festo S. Stephani seu diaconorum distribuebatur. Vide in Kalendae.

Vinum Saquatum, in vet. Glossar. ex Cod. reg. 7613. Consuet. Castel. ad Sequanam ex Cod. 9868. 2: Vin de sac ne tient point de ban; mais se vend sans licence. Vide Saccatum.

Vinum Sininum, Quod ex sin, i. lentisco, et similiter terbenthinum. Glossar. medic. Simon. Januens. ex Cod. reg. 6959.

Vinum Stalli. Vide in Stallum 2.

Vinum Stiliticum, Quod fit cum squilla; in eodem Glossario.

Vinum Superlativum, Generosum, optimum, Gall. Excellent. Vide supra Superlativus.

Vinum de Tenello, Familiarium seu domesticorum, qui in Tenello comedunt. Vide Tenellus 2. Portent... 12. mensuras vini puri de Tenello.... Vinum pro Tenello, etc. in Ordinat. Humberti II. Dalphini tom. 2. Hist. Dalph. pag. 314. col. 1.

Vinum Terrestre, Quod in territorio nascitur, Gall. Vin du pays. Charta ann. 1305. apud Ludewig. tom. 12. Reliq. MSS. pag. 231: Quod singulis sabbatis per anni cursum, praedictis fratribus ...... media stopa Vini terrestris seu communis dabitur et ordinabitur. German. Landwein.

Vinum Tinctum. Charta Phil. V. ann. 1320. in Reg. 61. Chartoph. reg. ch. 439: Duo dolia Vinorum tinctorum, quae solum ad dandum colorem suis aliis vinis sunt necessaria. Lit. remiss. ann. 1397. in Reg. 152. ch. 64: L'exposant prist trois los de Vin de tainte du pris de huit solz ou environ.

Vinum Tolticium, Quod domino in censum praestatur. Tabularium Ecclesiae Gratianopolitanae sub Hugone Episcopo fol. 23: Dono Domino Deo et Ecclesiae Gratianopolitanae et Hugoni Episcopo 4. sextarios de Vino tolticio, quos in vinea Episcopi, quam emit de Petro Aldiarde, per unum quemque annum solitus eram accipere.

Vinum Tornatum, Vapidum, Gall. Vin tourné. Vide supra in Tornare.

Vinum Tortivum. Caelius Aurelian. lib. 2. Acut. c. ult.: Cum vino ultimae expressionis, hydatodem Graeci vocant, nos abusive Tortivum. Adde ex D. Falconet: Caelius Aurelian. lib. 3. Acut. cap. 21. ubi legitur ὑδατώδη, non hydatodem.

Vinum Valerinum, Italicum, in Glossar. medic. Simon. Januens. ex Cod. reg. 6959.

Vinum Vermilium. Vide in Vermiculus.

Vinum Vernacie. Vide Vernachia.

Vinum Vinagii, Quod pro censu vinearum exsolvitur, in Charta ann. 1320. ex Chartul. Regalis-loci part. 1. ch. 83. Vide supra Vinagium 2.

Vinum Vinearum, Ex vineis humilibus factum. Charta ann. 1273. ex Tabul. Cassin.: Et de vino, de quo similiter, terraticum Casinensi vestario solvere tenebantur de quolibet vino, sive Vino vinearum, sive vitium, quae arboribus substentantur.

Vinum Vinosum, Bonae notae, Gall. Vineux, in Medic. Salernit. edit. ann. 1622. pag. 142.

Vinum Viride, Acerbum, ex viridi uva expressum, quomodo vin verd dicimus. Utitur Nangius in Chronico ann. 1258. De vinis variis vide Onomastic. Brunsfeldii.